До 18 часот регистрирани 19 пожари на отворено, пет се активни

До 18 часот денеска во земјава се регистрирани 19 пожари на отворен простор, од кои пет се активни, три се ставени под контрола, а 11 се целосно изгаснати, информира Центарот за управување со кризи (ЦУК).

— реклама —

Активни пожари има во општините Студеничани и Зелениково, на подрачјето на Гостивар и Македонски Брод, во селото Тисовица во Зелениково, над Нежилово во Општина Чашка и на депонијата во Ново Село.

— реклама —

— реклама —

Три пожари се под контрола – во Тајмиште во Кичево, на градската депонија „Мелци“ во Кавадарци и на депонијата во Делчево.

Останатите 11 пожари се изгаснати, меѓу кои и оние во Желино, Стримница, Одри, Македонски Брод, Зајас, Делчево, Градско, Форино и Росоман.