Во текот на денешниот ден, до 18 часот, во земјава се регистрирани вкупно 22 пожари на отворен простор, од кои девет се активни, два се под контрола, а 11 се изгаснати, информира Центарот за управување со кризи (ЦУК).
Активни пожари има во повеќе општини. Во реонот на Студеничани и Зелениково, огнот зафаќа мешана шума на потегот од селата Моране, Вртекица и Рамни Габер кон кракот за Палиград, како и над селата Вражале и Тисовица.
Пожар е активен и во селото Копаница, во Општина Сарај, каде што гори мешана шума, како и кај Долно Коњаре во Општина Петровец, каде што е зафатена ниска вегетација. Во Општина Чашка, пожарот над Нежилово, во местото Сватови, зафаќа ниска вегетација и смреки.
Активни се и пожарите кај селото Подлес во Општина Градско, каде што гори ниска вегетација, во Старо Балдовци во Општина Босилово, каде што се зафатени депонија и ниска вегетација, како и во Челопек, Општина Брвеница, каде што гори ниска вегетација. Во Општина Гостивар активни се два пожара – во селата Куново и Дебреште, на подрачја со ниска вегетација.
Два пожара се ставени под контрола. Едниот е на подрачјето на селото Трново во Општина Гостивар, со ширење кон селата Битово, Заград и Страјане во Општина Македонски Брод, каде што се зафатени нискостеблеста шума, ниска вегетација, пасишта и папрат. Вториот пожар е на депонијата во Делчево.
Во текот на денот се изгаснати 11 пожари. Во Општина Струга пожарите во Франгово и Ливада се локализирани, како и пожарите во Тајмиште во Општина Кичево, Кутретино во Општина Демир Хисар, на потегот меѓу Неготино и Кавадарци, во Куклиш и Свидовица во Општина Струмица, како и пожарот кај православните гробишта во Тетово.
Изгаснати се и пожарите во Стрмница во Општина Брвеница, населбата Баново Трло во Куманово и кај селото Муждовњак во Општина Крива Паланка.
