До 18 часот регистрирани 22 пожари на отворен простор, пет се активни

Во земјава денеска до 18 часот се регистрирани 22 пожари на отворен простор, од кои пет се активни, пет се ставени под контрола, а 12 се целосно изгаснати, информира Центарот за управување со кризи.

— реклама —

Активни пожари има во Штип, Струга, Сарај и Липково.

— реклама —

Во Општина Штип пожарот е меѓу селата Селце, Пухче, Степанци и Лакавица, каде гори ниска вегетација. Во Општина Струга пожарите се во реонот на селата Пискупштина, Луково и Буринец, каде е зафатена шума.

Во Општина Сарај активни се два пожара – кај Копаница и Радуша, каде гори нискостеблеста шума и ниска вегетација, како и кај Долно Арнакија, каде е зафатена ниска вегетација. Активен пожар има и во Општина Липково, кај селото Гошинце, каде гори ниска шума.

— реклама —

Под контрола се пет пожари во Македонски Брод, Зелениково и Делчево. Во Македонски Брод пожарите се кај селата Битово, Заград и Страјане, Драгов Дол и Белица. Во Зелениково гори мешана шума над селото Палиград, додека во Делчево пожарот е на градската депонија Острец.

— реклама —

Во текот на денот се изгаснати 12 пожари, и тоа во Велес, Ново Село, Валандово, Боговиње, Гостивар, Долнени, Прилеп, Виница, Сарај, Липково и Ранковце.