На територијата на земјава денеска до 18 часот се регистрирани 22 пожари на отворен простор, од кои седум се активни, два се ставени под контрола, а 13 се целосно изгаснати, информира Центарот за управување со кризи (ЦУК).
Активни пожари има во повеќе општини. Во Студеничани гори на потегот Моране – Вртекица – Рамни Габер, каде е зафатена мешана шума, како и во Батинци, каде гори ниска вегетација.
Пожар има и кај селото Палиград во Општина Зелениково, каде се зафатени ниска вегетација и шума. Во Македонски Брод активни се пожарите во месноста Видуш, кај селото Драгов Дол и кај Локвица, каде гори ниска вегетација, нискостеблеста шума и грмушки.
Активен пожар е регистриран и во општините Велес и Зелениково. Пожарот кај С’лп, во месноста Горно Село, се проширува кон Карабуњиште, Бузалково, Добрино и Тисовица, при што е зафатена ниска вегетација, дабова и габерова шума, како и квалитетна дабова шума.
Во општините Јегуновце и Сарај пожарот од подрачјето на селата Копанце и Туденце се проширува кон Бојане, а гори мешана шума. Активен пожар има и кај селото Чаниште во Општина Прилеп, каде е зафатена ниска вегетација.
Два пожари се ставени под контрола – во селото Железница во Општина Кратово и на депонијата во Делчево.
Во текот на денот се изгаснати 13 пожари на отворен простор во Куманово, Крушево, Прилеп, Долнени, Битола, Ресен, Штип, Желино, Дојран, Струга, Росоман и Студеничани.
