Според последниот пресек на Центарот за управување со кризи (ЦУК), до 18 часот денеска во земјава се регистрирани вкупно 24 пожари на отворен простор. Од нив, осум се активни, пет се ставени под контрола, а 11 се целосно изгаснати.
Активни пожари има во Ѓорче Петров, Македонски Брод, Чучер-Сандево, Градско, Струга, Липково, Маврово и Ростуше, и Кичево.
Во Ѓорче Петров гори кај селата Грачани и Никиштани, при што огнот зафатил нискостеблеста и мешана шума и е активен и на територијата на Косово. Активен пожар има и кај селото Белица во Македонски Брод, во месноста Кајорец кон селото Брезница, кај репетиторот.
Во Чучер-Сандево пожарот е кај селото Брест, во месноста Рамно, додека кај Градско гори во близина на Ногаевци. Пожари се активни и кај Подгорци во Струга, Матејче во Липково, Чавкарник над Маврово и кај селата Кнежино и Добреноец во Кичево.
Под контрола се пет пожари – кај Буринец–Локов–Селци во Струга, кај Брезница во Македонски Брод, во Копаница во Сарај, како и на градските депонии во Кратово и Делчево.
Целосно се изгаснати 11 пожари во Неготино, Гази Баба, Брвеница, Гостивар, Куманово, Липково, Битола, Прилеп и Кичево.
