До 18 часот регистрирани 27 пожари во Македонија, 11 сè уште активни

До 18 часот во Македонија се регистрирани 27 пожари на отворен простор, од кои 11 се активни, три се под контрола, а 13 се изгаснати, информира Центарот за управување со кризи.

— реклама —

Најголем број активни пожари има во скопскиот регион, но огнени жаришта има и во повеќе други општини низ земјата.

— реклама —

Во Општина Студеничани активен е пожарот на потегот Моране – Вртекица – Рамни Габер, каде што гори мешана шума. Активни пожари има и во Зелениково, Сарај, Македонски Брод, Јегуновце, Тетово, Гостивар, Арачиново и Старо Нагоричане.

Особено сериозна е состојбата во прилепското село Чаниште, каде што пожарот се шири во два крака – едниот кон селото Зовиќ, а другиот кон Крушевица.

— реклама —

Активен е и шумски пожар во селото Сув Орах, Општина Старо Нагоричане, каде што е зафатена и куќа.

— реклама —

Под контрола се пожарите во Делчево, Дебреште и Мусници, додека 13 пожари се целосно изгаснати.