Вкупно 21 пожар на отворен простор се регистрирани во земјава до 18:30 часот денеска, од кои седум се активни, два се под контрола, а 12 се целосно изгаснати, информира Центарот за управување со кризи.
Активни пожари има во повеќе општини. На територијата на општините Студеничани и Зелениково гори во атарите на селата Моране, Вртекица и Рамни Габер, како и на кракот кон Палиград и над Вражале, каде што е зафатена мешана шума.
Во Општина Македонски Брод активни се пожарите на месноста Видуш, кај селото Драгов Дол и кај Локвица, каде што гори ниска вегетација, нискостеблеста шума и грмушки.
Пожар е активен и кај селото Пиперово во Општина Струмица, каде што гори ниска вегетација, како и во селото Бојане во Општина Сарај, каде што е зафатена мешана шума.
Активни пожари се регистрирани и кај селото Митрашинци во Општина Берово, каде што гори дабова шума и ниска вегетација, кај селото Сушица во Општина Петровец, каде што е зафатена нискостеблеста шума, како и кај селото Трново во Општина Гостивар, каде што гори мешана шума.
Два пожари се ставени под контрола. Едниот е во Општина Кичево, кај селото Тајмиште, на месноста Дарда, каде што е зафатена високостеблеста букова шума, а другиот е во Општина Битола, кај селото Мегленци, каде што гори ниска вегетација.
Во текот на денот се изгаснати вкупно 12 пожари. Тие биле регистрирани во Струмица, Василево, Делчево, Куманово, Јегуновце, Гостивар, Врапчиште, Демир Хисар, Пробиштип и Илинден.
Меѓу изгаснатите пожари има и интервенции кај селото Гујновци во Општина Пробиштип, каде што биле зафатени ниска вегетација и објекти, како и во Арачиновскиот канал и кај селото Бујковци во Општина Илинден.
