До 20 часот регистрирани 14 пожари на отворен простор, два сè уште активни

До 20:00 часот денеска на територијата на државата се регистрирани вкупно 14 пожари на отворен простор, од кои два се сè уште активни, а 12 се изгаснати, соопшти Центарот за управување со кризи (ЦУК).

— реклама —

Активни се пожарите во близина на стадионот во Кичево, каде што гори стрниште и сува трева, како и кај тунелот на обиколницата во Битола.

— реклама —

Во текот на денот изгаснати се пожарите во Демир Капија, Ѓорче Петров, Центар (на две локации), Новаци, Прилеп, Дебар, Дебарца, Свети Николе, Кочани, Пробиштип и Куманово.

— реклама —

Пожарите зафатиле сува трева, стрништа, ниви со жито, деградирана шума, депонии, ѓубре, како и помошен објект, две куќи и едно патничко возило.

— реклама —

Од ЦУК информираат дека надлежните служби и понатаму ја следат состојбата и интервенираат на активните жаришта.