ОВР Кочани поднесе кривична пријава против 20-годишен жител на Кочани, поради сомнение дека загрозил туѓа сигурност со вперување пиштол кон возило во движење.
Како што информира МВР, пријавен е А.Ј. (20) од Кочани за кривично дело „загрозување на сигурноста“.
Според пријавата, на 23 април 2026 година, на експресниот пат меѓу селата Тркање и Спанчево, А.Ј., додека управувал патничко возило „фолксваген голф“, преку прозорецот вперил пиштол кон товарно возило „форд“.
Со товарното возило управувал Р.Б. (61) од селото Челопек, Општина Брвеница.
