Дојава за бомба кај седиштето на ВМРО-ДПМНЕ евакуираше вработени од институциите, по проверките се утврдило дека е лажна паника

Дојава за бомба ги испразни зградите околу плоштадот „ВМРО“ каде е и седиштето на ВМРО-ДПМНЕ, но и Министерството за труд и социјална политика, како и Јавното претпријатие за државни патишта (ЈПДП).

— реклама —

— реклама —

Ова се случило попладнево, откако во МВР било пријавено дека на плоштадот бил оставен куфер, откако две лица го разгледувале просторот. Пријавата дошла од обезбедувањето на ЈПДП, кој лицата ги забележал на видео надзорот.

— реклама —

По направените проверки, било утврдено дека нема никаква опасност, ниту поставен експлозив. Вработените се вратени во институциите.