Дојава за бомба во училиште во Загреб, учениците итно евакуирани

Валдорфското училиште во загрепската населба Сигет е евакуирано откако било пријавено дека во објектот е поставена бомба. Учениците и вработените ја напуштиле зградата, а полицијата врши преглед на училишните простории.

— реклама —

На терен се присутни поголем број полициски службеници, додека, според информациите од еден од родителите, поради итноста на ситуацијата, учениците биле испратени дома.

— реклама —

Родител на ученик за хрватскиот „Дневник“ изјавил дека децата биле евакуирани по дојавата. Според неговите зборови, неговото дете дома пристигнало дури и во папучи, бидејќи учениците морале итно да го напуштат училиштето.

— реклама —

Загрепската полиција потврди дека постапува по случајот и дека во тек е преглед на училишните простории.

— реклама —

Засега нема информации за пронајдено експлозивно средство.