Сè започна на почетокот на оваа година кога Доли Партон првично ја одби номинацијата за Rock & Roll Hall of Fame, но потоа рече дека сепак ќе прифати доколку биде изгласана.
Тогаш Партон во своето објаснување изјави:
„Ова ме инспирираше да се надевам да издадам одличен рокенрол албум во одреден момент во иднината, што отсекогаш сум сакала да го направам“.
Легендарниот продуцент Стив Албини потоа ги понуди своите услуги за да го продуцира албумот.
Во новото интервју за Полстар, легендарната кантри пејачка откри дека сака да сними нова преработка на песната „Stairway To Heaven“ за албумот (тоа веќе го направи на албумот во кантри стил „Halos & Horns“), а притоа сака на исто место да ги спои Џими Пејџ и Роберт Плант од Лед Цепелин.
На прашањето дали работи на рокенрол албум, таа рече:
„Па, работам. Кога бев номинирана за Rock & Roll Hall of Fame, помислив: „Нема подобар момент за тоа. Отсекогаш сум го сакала тоа. Мојот сопруг е голем обожавател на хард рокот и со години размислував; Едене ден би сакала да направам албум само за него. Зошто едноставно не би го направила тоа сега јас. некако'. Зошто да не го направам тоа сега? Можеби некој од великаните, легендите на рокенролот ќе запее со мене.
За нејзините обиди да ги обедини Лед Цепелин, Партон додаде дека на нејзиниот сопруг „не му се допаднало“ кога ги открила плановите за преработка на на „Stairway To Heaven“, велејќи:
"Но, ќе го направам тоа повторно. Го имам правено и претходно на bluegrass начин, но кога ќе направам рок-албум, всушност сакам да го направам тоа поверно на оригиналот", рече Доли, додавајќи:
„Се обидувам да видам дали Роберт Плант може да пее со мене. Можеби Џими Пејџ би имал придружна улога? Сè уште не сум доволно далеку за да дебатирам кој што ќе прави конкретно, но ќе снимам рок албум“.
