Полицијата лиши од слобода 27-годишен скопјанец по пријава од неговата сопруга, која тврди дека била физички нападната во семејниот дом, а потоа однесена во шумски предел и врзана за дрво.
Според МВР, на 1 септември во 20:40 часот, полициски службеници од СВР Скопје го лишиле од слобода Љ.Ф.Д. (27) од Скопје.
Претходно, неговата 21-годишна сопруга пријавила дека тој физички ја нападнал во семејниот дом. Според пријавеното, подоцна ја однел во шумски предел во скопско, каде што ја врзал за дрво и ја нападнал со тврд предмет.
27-годишникот бил лишен од слобода, а од МВР информираат дека по целосното документирање на случајот ќе следува соодветна пријава.
