Донесен Законот за јавно обвинителство, тензично во собраниската сала

Со 80 гласови „за“ и 6 „против“ е донесен Законот за јавно обвинителство, по повтореното гласање на пленарната седница во Собранието. Вкупно присутни во салата беа 116 присутни. Претходното гласање беше поништено, поради, како што кажа претседателот на Собранието, Талат Џафери, технички проблеми, односно системот немал евидентирано гласови на одредени пратеници.

— реклама —

— реклама —

Пратениците од власта со аплауз го поздравија изгласениот Закон за јавно обвинителство, а пак од ВМРО-ДПМНЕ реагираа зошто повторно се гласало за законот и викаа „Законот не е донесен“.

— реклама —

— реклама —

Од собраниската говорница, координаторот на пратениците од ВМРО-ДПМНЕ, Никола Мицевски викаше „Криминалци, криминалци“, алудирајќи дека второто гласање не е валидно.