Основното училиште кое требаше да се изгради во Паничари, општина Сарај сеуште не мрднало од мртва точка иако Екрем Јакупи пред четири месеци донирал сопствено земјиште за изградба.
„Ја видовте мојата куќа, едно лице има направено две куќи кога сака да работи, не знам зошто се прави толку голема работата околу училиштето, подобро да ја оставев мојата куќа и да почнев да го градам сам училиштето. Да почнев сам ќе го завршев, изјави за Тв 21 Екрем Јакупи, кој што го донираше земјиштето на општината и вели дека не знае зошто се одложува изградбата и додава дека ќе било подобро сами да почнале да градат, бидејќи до сега ќе било готово училиштето“, вели Јакупи.
