Дожд во поголем дел од Македонија, во Скопје до 18 степени

Облачно и постудено време се очекува во Македонија, со повремени врнежи од дожд кои на места ќе бидат пообилни и ќе надминат 30 литри на квадратен метар.

— реклама —

Ќе дува слаб до умерен ветер од југоисточен правец. Минималната температура ќе се движи од 4 до 13 степени, додека максималната ќе достигне од 15 до 23 степени.

— реклама —

— реклама —

Во Скопје ќе биде облачно и постудено, а попладне и во текот на ноќта се очекуваат повремени врнежи од дожд. Во делови од котлината врнежите ќе бидат со умерен до повремено засилен интензитет. Ќе дува слаб до умерен ветер од променлив правец.

Минималната температура во Скопје ќе се спушти до 9 степени, а максималната ќе достигне до 18 степени.