Доживотна казна за Авганистанецот кој со автомобил намерно влета во учесници на синдикален протест во Минхен

Суд во Германија го осуди на доживотен затвор 25-годишниот Авганистанец Фархад Нури, кој минатата година со автомобил намерно влета во учесници на синдикален протест во Минхен, при што загинаа две лица, а 40 беа повредени.

— реклама —

Според судот, Нури свесно го насочил возилото кон колоната учесници, искористувајќи го фактот дека присутните, меѓу кои имало многу деца и млади, не очекувале напад.

— реклама —

Во нападот животот го загубиле 40-годишна жена и нејзината двегодишна ќерка, додека уште 40 лица биле повредени.

Судскиот совет утврди „особена тежина на вината“, што значи дека осудениот нема да може да биде условно ослободен по 15 години, како што вообичаено е предвидено за доживотните казни во Германија.

— реклама —

Нури пристигнал во Германија како 15-годишен бегалец во 2016 година. Според судот, станува збор за лице со намалено чувство на сопствена вредност, кое излез побарало преку радикализација. За време на судењето повеќепати го покажувал подигнатиот показалец, симбол што се поврзува со терористичката организација Исламска држава.

— реклама —

Во текот на постапката, тој не ги откри мотивите за нападот.