На 19 септември 2026 година во 00:45 часот, полициски службеници од Полициската станица Штип го лишиле од слобода Б.М. (28) од Штип.
Според информациите од полицијата, тој претходно, додека бил работно ангажиран во угостителски објект во Штип, по вербална расправија со вработените во објектот, физички ја нападнал неговата партнерка С.М. (29) од Штип, која исто така работела во објектот.
Дополнително, Б.М. му се заканувал и на полициски службеник кој извршувал службени дејства.
За случајот бил известен јавен обвинител, а од МВР информираат дека по неговото целосно документирање ќе следува соодветна пријава.
