Драма во хрватските води: Се расипа траект - 350 патници останаа на отворено море

Траектот „Аурелија“ на кипарска компанија, кој плови на редовната линија Анкона-Сплит, рано утринава доживеа голема незгода. Во хрватските води, на десет милји од Корнатите му откажа еден мотор.

— реклама —

Станува збор за моторен патнички брод долг 150 метри со две погонски машини, од кои едната откажала, а со другата бродот сега се одржува на површината. Кон траектот се веднаш испратени два реморкери.

— реклама —

Акцијата за спасување на траектот Аурелија ја преземал Центарот за трагање и спасување на море во Риека.

— реклама —

Ситуацијата, меѓутоа, не е лесно решлива – поради лошото време, односно силниот ветер, двата реморкери испратени утринава морале да се вратат во пристаништето во Шибеник.

Според последните информации, нема повредени.