Дрога, дигитални ваги и пари пронајдени при претрес во дом во Велес

Четириесет и деветгодишен велешанец бил лишен од слобода откако полицијата пронашла материја за која постои сомнение дека е дрога, како во неговото возило, така и во неговиот дом.

— реклама —

Според информациите од МВР, на 29 октомври во 20:15 часот, полициски службеници од Отсекот за недозволена трговија со дрога при СВР Велес го привеле С.С. (49) од Велес. При преглед на „мерцедесот“ со велешки регистарски ознаки, кој го управувал, била пронајдена и одземена бела грутчеста материја.

— реклама —

— реклама —

По судска наредба, бил извршен и претрес во неговиот дом, при што биле пронајдени и одземени бела грутчеста и прашкаста материја, дигитални ваги, пари и други предмети.

Лицето било задржано во полициска станица, а за случајот бил известен јавен обвинител. По целосното документирање, против него ќе биде поднесена кривична пријава по брза постапка.