Полициски службеници во Скопје лишиле од слобода 46-годишен скопјанец, при претрес во неговиот дом биле пронајдени марихуана, дигитална вага и фалсификувани банкноти.
Од Министерството за внатрешни работи информираат дека на 22 септември, во 23:10 часот, Единицата за недозволена трговија при СВР Скопје го лишила од слобода Е.К. (46) од Скопје.
Претресот бил извршен со судска наредба, при што биле пронајдени и одземени марихуана и дигитална вага, како и 20 фалсификувани банкноти во апоени од 100 денари.
Лицето било задржано во полициска станица, а од МВР информираат дека по целосното документирање на случајот против него ќе следува соодветна пријава.
