Државна лотарија како општествено одговорна компанија континуирано ја потврдува својата мисија – да носи радост преку игрите на среќа, но и да вложува во заедницата. Освен поддршката за спортот, културата, образованието и животната средина, Лотарија ја дава својата поддршка и за здравството, обезбедувајќи средства и опрема што директно придонесуваат за подобри услови во здравствените установи и за квалитетна грижа за пациентите.
Во рамките на оваа поддршка, реализирани се повеќе значајни проекти: набавка на 28 болнички кревети за Универзитетската клиника за ревматологија во Скопје, финансиска поддршка за организација на Вториот македонски педодонтски конгрес со меѓународно учество за едукација на стоматолози, со еминентни предавачи од повеќе европски и светски земји, набавка на РТГ апарат за Универзитетската клиника за торакална и васкуларна хирургија, како и ултразвучен апарат за Универзитетската клиника за детска хирургија.
Дополнително, Државна лотарија обезбеди средства за ехо апарат со колор доплер за Здравствениот дом во Вевчани, поддржа проект за опремување на сензорна соба во ООУ „Александар Македонски“ во Скопје за децата со попреченост и финансираше набавка на мобилен РТГ апарат за Универзитетската клиника за торакална и васкуларна хирургија.
Со овие вложувања, Државна лотарија повторно ја потврдува својата општествена одговорност и улога како партнер на заедницата – создавајќи подобри услови за здравствена заштита и поддржувајќи иницијативи што носат трајна корист за граѓаните.
Среќата е насекаде – и во игрите, и во животот.
