„Државни патишта“ со нов кредит од 40 милиони евра, задолжувањето достигна 356 милиони

Јавното претпријатие за државни патишта ќе се задолжи со нов кредит од 40 милиони евра кај домашните банки, откако Владата дала согласност за новото задолжување.

— реклама —

Со ова, за нешто повеќе од два месеци се одобрени три задолжувања на претпријатието, со вкупна вредност од околу 356 милиони евра.

— реклама —

Претходно, Владата даде согласност за две големи задолжувања. Првото е во вредност од 140 милиони евра и е наменето за делниците од Коридорот 8 и Коридорот 10Д, кои ги гради „Бехтел и Енка“.

— реклама —

Второто задолжување, во висина од 176 милиони евра, е наменето за изградбата на автопатот Кичево – Охрид.

Со најновиот кредит од 40 милиони евра, вкупниот износ на трите задолжувања се искачува на околу 356 милиони евра.