Град Скопје беше домаќин на Државниот натпревар по прва помош, организиран од Црвениот крст, на кој младите учесници ги покажаа своите знаења, вештини и подготвеност за реагирање во ситуации кога е потребна помош.
Градоначалникот на Скопје, Орце Ѓорѓиевски, истакна дека натпреварот покажал оти младите поседуваат не само знаење и вештини, туку и храброст, човечност и подготвеност да помогнат и да спасат човечки живот.
Според Ѓорѓиевски, младите учесници се доказ дека постојат генерации кои знаат, умеат и сакаат да градат општество во кое грижата за другиот претставува важна вредност.
Тој порача дека Град Скопје и во иднина ќе биде партнер на Црвениот крст и ќе ги поддржува активностите насочени кон создавање одговорни, хумани и подготвени генерации.
Ѓорѓиевски им честиташе на сите учесници за покажаното знаење, труд и посветеност, а на најуспешните им посака успех во идните предизвици.
„Хуманоста нема цена. А знаењето да спасиш живот е вредност што нема замена“, порача Ѓорѓиевски.
