Државјанин на Латвија превезувал 10 мигранти од Египет, уапсен на „Богородица“

Полицијата спречила криумчарење на 10 мигранти во близина на Богородица, при што е приведен 59-годишен државјанин на Латвија.

— реклама —

Како што информира МВР, случајот се случил на 17 август околу 22 часот во селото Богородица, гевгелиско. Полициски службеници од Полициската станица за граничен надзор и гранични проверки „Богородица“ го лишиле од слобода Р.С. (59) од Латвија.

— реклама —

При извршената контрола на патничко возило „фиат типо“ со скопски регистарски ознаки, кое го управувал приведениот, биле пронајдени 10 лица мигранти, сите државјани на Египет.

— реклама —

Мигрантите биле пренесени и сместени во Прифатно-транзитниот центар „Винојуг“ во Гевгелија, додека 59-годишниот Латвиец бил предаден во Полициската станица Гевгелија.

— реклама —

Од МВР информираат дека по целосното документирање на случајот против него ќе биде поднесена соодветна пријава.