Државјанка на Шведска тешко повредена при тандем-лет со параглајдер кај Струга

ОВР Струга поднесе кривична пријава против К.Т. (43) од Прилеп поради постоење основи на сомнение за сторено кривично дело „тешка телесна повреда“.

— реклама —

— реклама —

Според МВР, на 28 јули 2026 година, К.Т. во својство на параглајдинг инструктор во рамките на параглајдинг компанија, договорил тандем-лет со параглајдер со А.Г.Б. (37) од Шведска, без да ѝ ги даде потребните инструкции и насоки.

— реклама —

За време на слетувањето во близина на Струга, Швеѓанката се здобила со тешки телесни повреди на едната нога, по што била пренесена во болницата „Св. Еразмо“ во Охрид.