Дуа Липа јавно реагираше по првостепената пресуда против поранешните водачи на ОВК во Хаг, споделувајќи на социјалните мрежи амблем на ОВК со пораката „Liria ka emër“, односно „Слободата има име“. Нејзината објава следува по пресудата со која Хашим Тачи и уште тројца поранешни припадници на ОВК беа прогласени за виновни за воени злосторства.
Пејачката потоа споделила и објава од својот татко, Дукаѓин Липа, во која се зборува за ОВК и борбата за слобода и независност на Косово. Во пораката се наведува дека никој нема право да ја оцрнува таа борба или ОВК, која е опишана како симбол на слободата и независноста.
Во пресудата од 16 септември, Специјализираните совети на Косово во Хаг го прогласија Хашим Тачи за виновен за четири точки за воени злосторства и му изрекоа казна од 25 години затвор. Виновни беа прогласени и Кадри Весели, Јакуп Красниќи и Реџеп Селими.
Објавите на Дуа Липа доаѓаат во период кога пресудата предизвика различни реакции во Косово и во регионот.
Дуа Липа е родена во Лондон во семејство со потекло од Косово, а дел од детството го поминала во Приштина. Во текот на кариерата повеќепати јавно зборувала за својата поврзаност со Косово и значењето што го има земјата за неа.
