ДУИ: Албанците секаде се исклучени, ВЛЕН молчи

ДУИ обвинува дека Албанците се исклучуваат од државните настани, спортот, културата и институциите, додека, според партијата, ВЛЕН молчи за тоа.

— реклама —

Во реакцијата се наведува дека на одбележувањето на 35-годишнината од независноста албанскиот јазик бил игнориран на државните свечености. Од ДУИ посочуваат и на државните награди „8 Септември“, каде што, како што тврдат, оваа година нема ниту еден награден Албанец.

— реклама —

„Ниту еден спортист, ниту еден тренер, ниту едно албанско име меѓу наградените“, се наведува во соопштението.

Од ДУИ велат дека тоа не е случајност, туку политика на исклучување, а особено го критикуваат ВЛЕН, кој, според нив, дошол на власт со ветувања за еднаквост, соодветна застапеност и права на Албанците.

— реклама —

„Каде е ВЛЕН? Каде се вицепремиерите? Каде се министрите? Каде се ветувањата за правична и соодветна застапеност?“, прашуваат од ДУИ.

Партијата додава дека ВЛЕН, според нив, молчи кога Албанците се исклучуваат и дискриминираат и порачува дека „Албанците не се невидливи“.