ДУИ бара итна оставка од Меџити: Од буџетот на Чаир редовно се плаќа партиски активист, а за воспитувачките пари нема

1.000 евра месечно за активист од надвор од Чаир, додека воспитувачките без 100 евра шест месеци – Меџити мора да поднесе оставка, велат од ДУИ.

„Во Open Finance е евидентирана месечна исплата од околу 1.000 евра од Општина Чаир за Хаќим Рамадани, поранешен директор и кандидат за градоначалник од друга општина.

— реклама —

Ниту живее во Чаир.
Ниту е даночен обврзник во Чаир.
Ниту има врска со реалните потреби на граѓаните на Чаир.

Сепак, од буџетот на граѓаните на Чаир редовно се плаќа партиски активист, додека воспитувачките и вработените во градинките во Чаир шест месеци ја немаат добиено исплатата од само 100 евра и си заминуваат една по една од работните места.

— реклама —

Ова е реалноста што ја создаде Изет Меџити.

Пари за партиските кадри има.
За воспитувачките што се грижат за децата во Чаир нема.

— реклама —

Ова е морална, политичка и институционална злоупотреба на општината.

Изет Меџити го загуби секој кредибилитет да зборува за одговорност, развој и грижа за граѓаните.

Бараме итна оставка од Изет Меџити.

Нема да запреме сè додека не замине и додека на Чаир не му се врати институционалното достоинство“, додаваат од ДУИ.