ДУИ до Касами и Меџити: „Ако сте ужасно слаби, зошто останувате во Владата?“

Полупретседателите на ВЛЕН, Биљал Касами и Изет Меџити, веќе неколку дена молчат по изјавата на лидерот на ВЛЕН, Беким Ќоку, дека во Владата се „ужасно слаби“. Ова е јавно признание за политички неуспех, велат од ДУИ.

„Иднината на Албанците, нивната застапеност во државата и заштитата на националниот интерес не можат да останат заложници на вашата слабост.

Ако сте ужасно слаби, зошто и понатаму останувате во Владата?

 Зошто молчите кога се деградира албанскиот јазик?

— реклама —

 Зошто го прифаќате исклучувањето на Албанците од раководните позиции?

 Зошто молчите кога се урива правичната и соодветна застапеност?

 Зошто и понатаму му обезбедувате мнозинство и легитимитет на еден режим кој секојдневно ја слабее положбата на Албанците?

— реклама —

 Никој не ве испратил во Владата за да ни објаснувате колку е силна ВМРО, а колку сте слаби вие.

 Во Владата се останува за да се има влијание, за да се запрат штетните одлуки и за да се заштитат граѓаните за кои тврдите дека ги претставувате.

 Ако не можете, тогаш заминете си.

 Не можете истовремено да бидете дел од власта и нејзина жртва. Не можете да гласате со Владата, а потоа да се однесувате како да не сносите никаква одговорност за последиците.

— реклама —

 Затоа, Биљал Касами и Изет Меџити мора да одговорат:

 Имаат ли некаква црвена линија?

 Постои ли некаква одлука поради која се подготвени да ја напуштат Владата?

— реклама —

 Или функцијата е единствената црвена линија што не се осмелуваат да ја преминат?

 Албанците не можат бесконечно да чекаат вие да станете посилни.

 Колку долго ќе ја држите иднината на Албанците како заложник на вашата слабост?

 Кога ќе си заминете“, велат од ДУИ во партиското соопштение.