ДУИ: На Воената академија - 0 кадети албанци

Демократската унија за интеграција (ДУИ) преку соопштение реагира дека на Воената академија годинава не е примен ниту еден кадет Албанец, оценувајќи дека станува збор за сериозен проблем со правичната и соодветната застапеност во државните институции.

— реклама —

Од партијата посочуваат дека, за првпат од основањето на Воената академија во 1995 година, меѓу примените кадети нема ниту еден Албанец. ДУИ одговорноста ја насочува кон коалицијата ВЛЕН, но и кон Владата, од која бара почитување на принципите на еднаквост и институционална застапеност.

— реклама —

Според ДУИ, ваквите случаи го нарушуваат духот на Охридскиот договор и можат да влијаат врз меѓуетничките односи и довербата меѓу политичките партнери.

— реклама —

Од партијата бараат ВЛЕН да објасни зошто не е обезбедена застапеноста што ја ветувала, нагласувајќи дека таа не треба да биде предмет на политички договори и калкулации.

— реклама —

„Застапеноста не е привилегија, туку начело. И таа не смее да биде заложник на политичките калкулации“, наведуваат од ДУИ.