Вицепремиерот Бујар Османи изјави дека неговата партија е загрижена по одлуката на претседателот Стево Пендаровски да го назначи Еролд Муслиу за директор на Агенцијата за разузнавање.
“Вчерашната одлука на претседателот Пендаровски нe вознемири сите и стави сенка на вчерашниот ден кога Собранието ја донесе реформата на безбедносните служби. Мислиме дека тоа беше одлука донесена од недостаток на информации и дека не е злонамерна. Ставот на ДУИ е дека додека не се расветлат кумановските настани, ниту еден човек кој бил дел од службите на Иванов не треба да биде на чело на таквите сензитивни институции”, рече Османи.
Османи додаде дека се надева дека претседателот ќе го разгледа изборот на Муслиу, за кој верува дека не го направил за други цели.
