ДУИ со нов напад врз ВЛЕН: Партиите и претседателите останале одделни

ДУИ излезе со нови обвинувања кон коалицијата ВЛЕН, тврдејќи дека партијата Алтернатива и натаму фигурира како посебен активен политички субјект во Централниот регистар, а во официјалните податоци како нејзин претседател е запишан Зекирија Бериша.

— реклама —

Според ДУИ, Бериша е шеф на кабинетот на министерот Беким Сали, а промената на претседателот на Алтернатива, како што тврди партијата, не била јавно соопштена ниту на членството ниту на граѓаните.

„Кога е избран Зекирија Бериша за претседател? Кој партиски орган ја донел оваа одлука? Зошто промената била чувана во тајност? Дали членовите на Алтернатива знаат кој правно ја раководи нивната партија?“, прашуваат од ДУИ.

— реклама —

Од партијата оценуваат дека станува збор за случај во кој промена во раководството била направена во официјалните документи без јавноста да биде информирана.

— реклама —

ДУИ во соопштението тврди и дека БЕСА продолжува да постои како посебна партија со Билал Касами како претседател, додека Алтернатива продолжува да фигурира одделно со Зекирија Бериша.

„Таканареченото ‘соединување’ го имаат само за конференции и пропаганда. Партиите, претседателите, печатите и интересите продолжуваат да функционираат одделно“, велат од ДУИ.

Партијата ваквата состојба ја користи како аргумент за нов политички напад врз ВЛЕН, оценувајќи дека јавната слика за обединување не соодветствува со формалната регистрација на партиите.