Двајца мажи од Куманово биле пронајдени починати во текот на вчерашната вечер, во два одделни случаи, информира СВР Куманово.
Првиот случај бил пријавен во 19:46 часот, кога од Општата болница Куманово било известено дека на паркингот во кругот на болницата, во патничко возило со кумановски регистарски ознаки, бил пронајден починат 57-годишниот Б.В. од Куманово.
Само неколку часа подоцна, во 22:54 часот, во СВР Куманово било пријавено дека во семејна куќа во Куманово бил пронајден починат и 47-годишниот Д.М., исто така од Куманово.
Во двата случаи увид извршиле екипи на СВР Куманово. По наредба на јавен обвинител, телата на починатите биле дадени на обдукција за утврдување на причините за смртта.
