17-годишник од Арачиново се здобил со тешки телесни повреди во сообраќајна несреќа што се случила на улицата „1“ во селото.
Според МВР, несреќата била пријавена на 28 септември во 21:40 часот во СВР Скопје. Во неа учествувале патничко возило „фолксваген голф“ со скопски регистарски ознаки, управувано од 16-годишник од Арачиново, и мопед со скопски регистарски ознаки, управуван од 17-годишник, исто така од Арачиново.
Во судирот тешки телесни повреди добил 17-годишниот мопедист. Повредите биле констатирани во Јавната здравствена установа „Св. Наум Охридски“ во Скопје.
Увид на местото на несреќата извршила увидна екипа на СВР Скопје.
