Двајца прилепчани биле лишени од слобода во одделни случаи во Прилеп, откако полицијата при сообраќајни контроли утврдила дека управувале мопеди без да поседуваат возачки дозволи.
Според МВР, на 13 август во 19:20 часот на улицата „Тризла“, полициски службеници од ОВР Прилеп го запреле мопедот со прилепски регистарски ознаки што го управувал Б.Б. (38). При проверката било утврдено дека тој управувал без возачка дозвола, по што бил лишен од слобода.
Само десет минути подоцна, на истата улица, полицијата го запрела и мопедот што го управувал А.А. (46). И во овој случај било констатирано дека возачот не поседувал возачка дозвола, по што бил лишен од слобода.
Од МВР информираат дека по документирање на двата настана ќе следуваат соодветни поднесоци.
