Двајца приведени по напад со остар предмет во Тетово, едно лице тешко повредено

Двајца жители на тетовското село Палатица се лишени од слобода поради сомнение дека со остар предмет нападнале две лица во Тетово, при што едно од нив се здобило со тешки телесни повреди, соопшти Министерството за внатрешни работи.

— реклама —

Според МВР, на 22 јули во 00:45 часот, полициски службеници од Полициското одделение Групчин ги привеле В.И. (22) и А.Ш. (21), постапувајќи по претходна пријава за напад на улицата „ЈНА“ во Тетово.

— реклама —

— реклама —

Во нападот биле повредени А.А. (24) и Б.А. (21), двајцата од селото Непроштено. Во Клиничката болница во Тетово кај Б.А. биле констатирани тешки телесни повреди, додека А.А. се здобил со телесни повреди.

— реклама —

Осомничените се задржани во полициска станица, а по целосното расчистување и документирање на случајот против нив ќе биде поднесена соодветна пријава.