Двајца скопјани претепале вработени во угостителски објект кај Попова Шапка, еден тешко повреден

Двајца скопјани се лишени од слобода поради сомнение дека физички нападнале двајца вработени во угостителски објект на регионалниот пат Тетово–Попова Шапка.

— реклама —

Според МВР, полициски службеници од Полициското одделение Попова Шапка ги лишиле од слобода И.И. (34) и М.И. (29) на 15 август 2026 година.

— реклама —

Нападот се случил истиот ден околу 17:50 часот во угостителски објект, при што биле нападнати вработените Г.А. (50) од село Лисец и Б.Ј. (47) од Тетово.

— реклама —

Од нападот, 50-годишниот вработен се здобил со тешки телесни повреди, додека 47-годишниот се здобил со телесни повреди.

— реклама —

По консултација со јавен обвинител, двајцата се задржани за понатамошна постапка. На местото на настанот бил извршен увид од екипа на СВР Тетово.