Двајца странски државјани, еден од Холандија и еден од Шпанија, биле приведени откако физички нападнале 33-годишен жител на Арачиново во депото на Железници во Скопје.
Од Министерството за внатрешни работи соопштија дека инцидентот се случил вчера, околу 19 часот, во депото на „Железници на РСМ-Транспорт“ АД Скопје, на подрачјето на општина Аеродром.
Полициски службеници од СВР Скопје ги привеле А.Х. (37) од Холандија и Х.Ј.Ц.М. (38) од Шпанија, постапувајќи по претходна пријава дека го нападнале И.Џ. (33) од село Арачиново.
„По целосно документирање на случајот ќе следува соодветна пријава“, соопшти полицијата.
