Двајца тешко повредени во сообраќајни несреќи во Скопје и Битола

Двајца возачи се здобиле со тешки телесни повреди во две одделни сообраќајни несреќи што се случиле во Скопје и во Битола.

Првата несреќа била пријавена на 11 јули 2026 година, околу 10 часот, на улицата „Лазар Личеноски“ во Скопје, во близина на полигонот.

— реклама —

Според информациите од Министерството за внатрешни работи, патничко возило „пежо“ со скопски регистарски ознаки, управувано од Д.З. (40) од Скопје, излетало надвор од коловозот.

— реклама —

Возачот се здобил со тешки телесни повреди, констатирани во Комплексот клиники „Мајка Тереза“. Увид извршила екипа од СВР Скопје.

Втората сообраќајна несреќа се случила истиот ден, во 19:35 часот, на улицата „Генерал Васко Карангелевски“ во Битола.

— реклама —

Во несреќата учествувале патничко возило „киа“, управувано од К.С. (79), и мотоцикл „џонвеј“, управуван од Ж.В. (62), двајцата од Битола.

— реклама —

По несреќата, возачот на мотоциклот бил пренесен со возило на Итната медицинска помош во Клиничката болница во Битола, каде што му биле констатирани тешки телесни повреди.

Увид на местото извршила екипа од СВР Битола.