Полициски службеници од ОВР Прилеп лишиле од слобода две лица осомничени за нелегален транспорт на огревни дрва, соопшти Министерството за внатрешни работи.
На 14 септември во 15 часот, на патот Сенокос–Долнени, биле лишени од слобода А.Б. (19) од селото Црнилиште и 17-годишен малолетник, исто така од Црнилиште.
Тие се сомничат за сторено кривично дело „нелегален транспорт на зелени огревни дрва“. При постапувањето, полицијата одзела 3,70 кубни метри дабови огревни дрва, кои биле предадени на Шумската полиција во Прилеп.
Од МВР информираат дека по целосното документирање на случајот ќе следува соодветен поднесок.
