Двајца велешани осомничени дека украле накит од домот на 73-годишна жена

Две лица од Велес се лишени од слобода под сомнение дека извршиле кражба од домот на 73-годишна велешанка, информира Министерството за внатрешни работи.

— реклама —

— реклама —

На 22 и 23 август, полициски службеници од СВР Велес ги лишиле од слобода Е.А. (35) и Н.Н. (36), двајцата од Велес. Според пријавеното, тие се сомничат дека од домот на 73-годишната жена одзеле накит.

— реклама —

— реклама —

За случајот е известен јавен обвинител, а по целосното расчистување и документирање на настанот, против двете лица ќе бидат поднесени соодветни пријави.