Двајца возачи уапсени во Битола и Прилеп – управувале мопеди без дозвола

Во одделни случаи во Битола и Прилеп, полицијата лишила од слобода две лица кои управувале мопеди без да поседуваат возачка дозвола.

— реклама —

На 24 септември во 17:30 часот кај селото Бистрица, битолско, полициски службеници од СВР Битола го лишиле од слобода 48-годишниот К.Д. од Битола. При сообраќајна контрола бил запрен мопед без регистарски ознаки, кој го управувал К.Д., при што било утврдено дека нема возачка дозвола.

— реклама —

— реклама —

Истиот ден во 18:50 часот на улицата „Прилепски бранители“ во Прилеп, полициски службеници од ОВР Прилеп го лишиле од слобода 36-годишниот Б.П. од Прилеп. Тој бил запрен додека управувал мопед со прилепски регистарски ознаки, а при проверката било констатирано дека возел без возачка дозвола.

Од МВР информираат дека по целосното документирање на двата настана ќе следуваат соодветни поднесоци.