Двајца возачи уапсени во Тетовско, возеле без возачка дозвола

Двајца возачи биле лишени од слобода во Тетовско откако полициските службеници при сообраќајни контроли утврдиле дека управувале возила без возачка дозвола. Во еден од случаите биле пронајдени и огревни дрва без соодветна документација.

— реклама —

Од Министерството за внатрешни работи информираат дека на 12 октомври, во 18:25 часот, на регионалниот пат меѓу селото Јегуновце, Тетовско, и селото Радуша, Скопско, полициски службеници од Полициското одделение Јегуновце запреле автомобил „мерцедес“ со скопски регистарски ознаки. При контролата било утврдено дека 40-годишниот М.Р. од Радуша го управувал возилото без возачка дозвола, по што бил лишен од слобода. Автомобилот е одземен, а по документирањето на случајот ќе следува соодветен поднесок.

— реклама —

— реклама —

Подоцна, во 19:30 часот, во селото Желино, полициски службеници од Полициското одделение Групчин запреле автомобил „фолксваген голф“ со скопски регистарски ознаки, управуван од 29-годишниот И.Б. од селото Стримница. И кај него било утврдено дека возел без возачка дозвола.

При прегледот на возилото, во багажниот простор биле пронајдени огревни дрва без соодветна документација и моторна пила. Возилото и дрвата се одземени и задржани, а против возачот по целосното документирање на случајот ќе следува соодветна пријава.