(Видео) Иран заплени три товарни бродa во Ормутскиот теснец, меѓу екипажот и двајца хрватски државјани

Иранската Револуционерна гарда (IRGC) објави снимки од заплената на товарниот брод MSC Epaminondas, кој бил пресретнат во Ормушкиот теснец, при што во истата операција биле запленети и пренасочени и бродовите MSC Francesca и Euphoria.

— реклама —

Според неофицијални информации, на бродот MSC Francesca се наоѓаат и двајца државјани на Хрватска, покрај претходно потврдените четворица поморци од Црна Гора. Од надлежните институции засега нема официјална потврда за нивниот статус, но неофицијално се наведува дека се безбедни и дека нивните животи не се загрозени.

— реклама —

Бродот MSC Francesca е голем контејнерски брод долг 363 метри и широк 46 метри, со капацитет од над 11.000 контејнерски единици, кој плови под панамска знаме, а е во сопственост на компанијата Mediterranean Shipping Company.

Иранските власти тврдат дека запленетите бродови „делувале без соодветни дозволи“ и ја загрозиле поморската безбедност во регионот, додека од американската страна се наведува дека не се смета дека се работи за прекршување на примирјето.

— реклама —

Од поморските безбедносни служби е издадено предупредување за зголемени ризици во Ормушкиот теснец, една од клучните светски поморски рути.