Педесет и шестгодишен жител на Гостивар двапати бил приведен во текот на истиот ден поради нарушување на јавниот ред и мир.
Од Министерството за внатрешни работи информираат дека на 12 јули, околу 10:45 часот, полициски службеници од Полициското одделение Маврово го привеле Ѓ.Р. (56) од Гостивар, кој со агресивно однесување го нарушил јавниот ред и мир во село Галичник, за време на одржувањето на манифестацијата „Галичка свадба“.
Истиот ден, во 20:40 часот, полициски службеници од Полициската станица Гостивар повторно го привеле истиот маж на улицата „Браќа Ѓиновски“ во Гостивар, бидејќи повторно го нарушувал јавниот ред и мир.
По извршеното алкотестирање, кај него биле измерени 1,75 промили алкохол во крвта.
По целосното документирање на случаите, против него ќе бидат поднесени соодветни поднесоци.
