Две деца повредени во сообраќајна несреќа, тинејџер удрил во нив и избегал

Деветнаесетгодишен возач со автомобил удрил во две деца во Скопје и избегал. Двете деца биле повредени во несреќата и пренесени се во болница, а едното од нив се здобило со тешки повреди.

— реклама —

Според информациите на МВР, несреќата се случила вчера вечер околу 22 часот, на крстосницата од булеварот „Партизански Одреди“ и улицата „Аминта трети“ кога М.Х. (19) со „фолксваген голф“ со скопски регистарски ознаки, удрил во две деца на возраст од 13 и 12 години, по што избегал.

— реклама —

— реклама —

Децата биле пренесени во Комплексот клиники „Мајка Тереза“, каде што на 12-годишникот му биле констатирани тешки телесни повреди, а на 13-годишникот телесни повреди.

— реклама —

Увид на местото извршила екипа од СВР Скопје. Се работи на расчистување на случајот.