Две физички пресметки во Битола и Прилеп, шест лица уапсени

Повеќе нарушувања на јавниот ред и мир биле регистрирани во Битола и Прилеп, при што полицијата лишила од слобода шест лица во одделни случаи, соопшти Министерството за внатрешни работи.

Во казино на улицата „Димитар Илиевски Мурато“ во Битола, на 5 октомври во 03:15 часот, полициски службеници од СВР Битола ги лишиле од слобода М.Н. (40), Ш.К. (41), А.Ј. (29) и Д.Р. (34), сите од Битола.

— реклама —

Според пријавеното, четворицата го нарушувале јавниот ред и мир со меѓусебна физичка пресметка, а во еден момент физички нападнале и вработен во обезбедувањето на објектот. По целосното документирање на случајот ќе следува соодветен поднесок.

— реклама —

Истиот ден во 04:10 часот, на улицата „Киро Дандаро“ во Битола, полициски службеници од СВР Битола ги лишиле од слобода Џ.М. (18) и Д.М. (18), двајцата од Битола.

МВР соопшти дека тие го нарушиле јавниот ред и мир и агресивно се однесувале кон полициски службеници кои извршувале службени дејствија. И во овој случај, по документирањето на настанот, ќе следува соодветен поднесок.

— реклама —

Претходно, на 4 октомври во 09:00 часот, во СВР Битола, Ц.М. (67) од Битола пријавил дека на улицата „Генерал Васко Карангелевски“ бил физички нападнат од Г.Н. (60), исто така од Битола. Полицијата презема мерки за расчистување на случајот.

— реклама —

Во одделен случај во Прилеп, на 4 октомври во 07:30 часот, полициски службеници од ОВР Прилеп ги лишиле од слобода Д.Н. (46) и С.К. (46), двајцата од Прилеп.

Тие биле лишени од слобода во казино на улицата „Јоска Јорданоски“, поради нарушување на јавниот ред и мир со меѓусебна физичка пресметка. По документирањето на настанот ќе следува соодветен поднесок.