Надворешната канцеларија за криминалистички работи Радовиш поднесе кривична пријава против Б.Р.(23) и К.Б.(22), двајцата од село Габревци, радовишко, за сторени шест кривични дела, од кои четири „тешки кражби“ и по едно „тешка кражба“ во обид и „кражба“. Во временскиот период од 10 јануари до 25 јули 2019 година, на подрачје на Радовиш, во населба Дамјан и кај раскрсницата за село Бучим, пријавените со употреба на погоден предмет извршиле тешки кражби и кражба од работни машини, товарни возила, булдожер, багер и машина ровокопач-скип, при што од резервоарите одзеле нафта.
