Две лица биле физички нападнати во скопската населба Бит Пазар, по претходно недоразбирање, а при инцидентот било оштетено и патничко возило, информира Министерството за внатрешни работи.
Според МВР, случајот бил пријавен вчера, 20 август, во 13:43 часот во СВР Скопје од 41-годишен жител на селото Долно Којнаре, Кумановско. Тој пријавил дека околу 12:30 часот, додека бил на подрачјето на Бит Пазар со својот внук, двајцата биле нападнати од две лица.
Напаѓачите, според пријавеното, употребиле тврд предмет, а потоа го оштетиле и неговото патничко возило.
Од полицијата велат дека се преземаат мерки за расчистување на случајот.
